उदयपुरको त्रियुगा नगरपालिका वडा नम्बर ७ तिल्बारीको सिंगो गाउँनै नेकपा एमालेमा समाहित भएका छन ।
शुक्रबार एक समारोहबीच स्थानीय सन्तोष लुङेली मगरको नेतृत्वमा सिंगो गाउँमा रहेका समुदायहरु नेकपा माओवादी केन्द्र र नेकपा एकीकृत समाजवादी पार्टी परित्याग गरी नेकपा एमालेमा समाहित भएका हुन । नेकपा एमालेका अध्यक्ष प्रमेश्वर घिमिरे, त्रियुगा नगरपालिकाका उपप्रमुख महेश्वरी राईको उपस्थितीमा तिल्बारी गाउँका २५ घरपरिवारका सवै सदस्य नेकपा एमालेमा प्रवेश गरेका हुन ।
एमाले प्रवेश गर्नेहरुमा चेतबहादुर लुङेली मगर, तिलकबहादुर राना मगर, खिम कुमारी मगर, पुर्ण बलम्पाकी, धनबहादुर खड्का, लेख बहादुर खुलाल, तिलक बुर्जा मगर, लाल बहादुर परियारलगायत हुनुहुन्छ । नवप्रवेसीहरुलाई अध्यक्ष घिमिरे र नेतृ राईले स्वागत गर्नुभएको छ ।
