उपसभापति गुरुङले पदबाट राजीनामा दिनुपर्छ: नेता प्रधान

असोज ५ काठमाडौँ। नेपाली कांग्रेसका नेता भीमसेनदास प्रधानले सहकारी ठगी प्रकरणमा नाम मुछिएपछि पार्टी उपसभापति धनराज गुरुङले राजीनामा दिनुपर्ने बताएका छन्।

रिपोर्टर्स नेपालको एक कार्यक्रममा बोल्दै उनले प्रश्न उठेपछि सहकारी ठगी प्रकरणमा नाम मुछिएपछि पार्टी उपसभापति धनराज गुरुङले उपसभापति र सांसद दुवै पदबाट नैतिकताको आधारमा राजीनामा दिनुपर्ने बताए।

उनले भने, ‘यो उहाँको आत्मनिर्णय गर्ने हो। विगत पनि केहि नेताहरुले राजीनामा दिनुभयो। आत्मसमीक्षा गर्नुपर्छ। धनराजले संसदमा नै यदि त्यस्तो हो भने ममाथि छानबिन होस् भन्नुभयो। छानबिनले कारबाही सिफारिस गरेको छ।’

नेता प्रधानले राजीनामा नदिए कांग्रेसले पार्टीभित्र छलफल गर्नुभन्दा अगाडि नै उपसभापतिले छानबिनको रिपोर्ट नआएसम्म पार्टी र संसदको बैठकमा उपस्थित हुन्नँ भन्न सक्नुपर्ने बताए।