
त्रिकोणात्मक टी-२० आई क्रिकेट शृङ्खलाको पहिलो खेलमा नेपालले आज हङकङसँग प्रतिस्पर्धा गर्दैछ । हङकङस्थित तीन क्वाङ रोड रिक्रियसन मैदानमा हुने खेल नेपाली समयअनुसार बिहान ११ः१५ बजेदेखि सुरु हुनेछ ।
शृङ्खलामा नेपाल, हङकङ र पपुवा न्युगिनी सहभागी हुनेछन् । सिरिजमा नेपालले फागुन २९ गते पवुवा न्युगिनीसँग खेल्नेछ । फागुन ३० गते त्रिकोणात्मक सिरिजको फाइनल खेल हुनेछ ।
त्यसअघि नेपालले हिजो हङकङसँग मैत्रीपूर्ण खेल खेलेको थियो । सो खेलमा नेपाल ७३ रनले पराजित भएको थियो ।