बझाङ उपनिर्वाचनवाट निर्वाचित प्रदेशसभा सदस्य दमन भण्डारीले लिए शपथ

काठमाडौंः बझाङ क्षेत्र नं. (१) उपनिर्वाचनबाट नेकपा एमालेवाट बिजयी सुदूरपश्चिम प्रदेशसभा सदस्य दमन भण्डारीले पद तथा गोपनीयताको शपथ लिनुभएको छ । सभामुख भीमबहादुर भण्डारीले आज उनलाई पद तथा गोपनीयताको शपथ ग्रहण गराएका हुन् ।

गत वैशाख १५ गते भएको उपनिर्वाचनमा नेकपा एमालेका दमन भण्डारी ११ हजार ६१२ मतसहित विजयी भएका थिए । उनले आफ्ना निकटतम प्रतिस्पर्धी नेपाली कांग्रेसका अभिषेकबहादुर सिंहलाई २६७ मतले पछि पार्दै बिजयी भएका हुन् ।

सिंहले ११ हजार ३४६ मत प्राप्त गरेका थिए । २०७९ को निर्वाचनमा यस क्षेत्रबाट निर्वाचित नेपाली कांग्रेसका प्रदेशसभा सदस्य पृथ्वीबहादुर सिंहको गत वर्ष केदारस्यू गाउँपालिकामा सडक दुर्घटनामा  मृत्यु भएपछि उपनिर्वाचन भएको हो ।